1. |
FÄÄNWIH
05:21
|
|||
Fäänwih
Text und Musik : WOLFGANG ANTON
Mich hat et letz et Fäänwih
esu richtich hadd jepack.
Ich daach, wenn do nit fottküss,
haus de alles en d‘r Sack.
ich wor ald fass zor Dür erus,
do reef ne Kumpel an,
dem saht ich, dat ich fott will
ich füng jet Neues an.
Hä frogte noch: „Jung, wat häs Do för?“
Ich saht: „Et kütt drop an,
ens sinn, wat sich do anbeed,
ben mer för jarnix schad.
Mi Leevje es jejange,
ich breche aff mi Zelt,
mich hält he nix mih fess,
ich treck nohm Ihrefeld.“
En hält he nix mih fess,
hä trick nohm Irefeld.
“Dat kannste doch nit maache, Jung,
do küsste nit zoräch.
Ihrefeld heiß Räuberfeld,
de Minsche do sin schlääch.
Do jeihs do wie en Primel en
un wees am Engk bestuss,
bliev besser he em Veedel,
he bes Do doch zo Huus.“
Ich wor nit janz zor Dür erus,
do trof ich ald et Liss,
wat alles schon erfahre hatt:
„Wat mähs do för nen Driss!
Wat wills Do en dem Luffkurort,
wo jar kein Baustell es!
Do jehürs he en et Veedel erin,
he, wo ding Heimat es!“
Op eimol wor et Lisbett
och nit mih allein.
Dä janze Haufe schäle Köpp
all öm mich eröm,
jede woss et besser,
soche mich alt dut em Jrav.
Dann driess ich halt op Ihrefeld
un hau noh Nippes aff.
Dann driess hä halt op Ihrefeld
un häut noh Nippes aff.
Dat kannste doch nit maache, Jung,
do küsste nit zoräch.
Nippes es e Kradeloch,
de Minsche do sin schlääch.
Vielleich 2 , 3 , 4 Bierche
kunnt ich noch standhaff sin,
dann kom en Rund met Klore,
drop stemmte mer all en:
Un op singem ahle Plaatz
bliev hä och jot en Schoss.
Bliev besser he em Veedel,
denn he bes do doch zo Huus.
Do wor mer zo vill Weihrauch drin,
jetz hat de Nas ich voll.
Wenn Nippes voll vun Krade es,
dann trecke ich noh Poll.
Do es et och am Rhing su schön,
do litt mer op d’r Wies
un die Usseech, die mer hät,
doch ech de schönste es.
Dat kannste doch nit maache, Jung,
do küsste nit zoräch.
En Poll wonnt doch nur Buurepack,
de Minsche do sin schlääch.
Jetz wor ich mem Lating am Engk,
woss nit mih us, noch en.
Kein Veedel künnt för mich em Äänz
en neue Heimat sin.
Dann luhrt ich ming Bajasch mer an
un kom dann zo dem Schluss:
Do, wo all ding Fründe sin,
do bes do och zo Huus.
En Nippes, Poll un Ihrefeld,
do setzen och all Lück,
die aff un zo et Fäänwih
em Hätze richtich dröck.
Dröm loss et dir jesaht sin,
weil et su eifach es:
Wann Dich jet dröck, dann drieh dich öm,
domet et nur noch trick.
Wann dich jet dröck, dann drieh dich öm,
domet et nur noch trick.
Dat kanns de doch nit maache, Jung,
do küsste nit zoräch.
Nippes , Poll un Ihrefeld,
ov Sölz un Kletteberg,
ov Müllem udder Ossendorf,
do wees am Engk bestuss.
Bliev en dingem Veedel,
do bes do doch zo Huus.
|
||||
2. |
||||
Wer weiß, für wat et jot ess
Setz en d’r Kösch - alleen vür’m Desch
vür mir en Tass - met leere Sprüch
leere Sprüch - turne durch de Kösch
mer weiß och tireck, dat et noh Ärjer rüsch.
„It es durch de Dür, kütt nit mih zoröck“
wer weiß für wat et jot es, wer weiß für wat et jot es.
Luur an de Deck – dudverschreck
överall Dreck - us jeder Eck
Dreck op d’r Äät - jlich es et zo spät
muß he eruss - söns weed ich bestuss.
It es durch de Dür, kütt nit mih zoröck
wer weiß für wat et jot es, wer weiß für wat et jot es
wer weiß für wat et,
wer weiß für wat et
wer weiß für wat et jot es.
Ben wie ne Doof durch de Stroße jeloofe,
wor koot dovö,r mer ne Hungk zo koofe.
Hungk an d’r Ling, Levve am Ängk.
„Wer es eijendlich dä, dä he dat Bier usschengk“? ( 3x )
Widder zo Huss - klopp dä Fuss
vun nevvenan - un mäht mich an.
Krieje eruss - dat dä Schuss vum Fuss
Koffer jepack – un an d’r Dür eruss.
It es durch de dür, kütt nit mih zoröck.
wer weiß für wat et jot es, wer weiß für wat et jot es,
wer weiß für wat et, wer weiß für wat et,
wer weiß für wat et jot es.
Wor koot dofür enne Hals zo kriege
un dät met dem Fuss en de Ärme lieje,
do saat dä Fuss : „Et es wie es“, !
„Nur jot dat bahl ald widder Karneval es“ ( 3x )
Un wer weiß für wat dat jot es
|
||||
3. |
||||
Einmol noch ens Jlöck zo hann
Op d’r Eck, do es dä Lade
un do jeiht it immer hin
öm de Ovend zo erdrage,
kööf it sich do en Fläsch Wing.
Jewöhnlich dät it zahle
un dann es et durch de Dür
doch hück es it enjelade
op en Weihnachtsfeier,
hinjendurch, do steiht en Thek
Einmol noch ens Jlöck zo hann
einmol, einmol nur einmol
sich wohl zo föhle met ennem Mann
Dovun drömp it jetz schon esu lang
Jo, dovun drömp it jetz schon esu lang
It wor koot noh Huss jejange
hat sich schön eruss jeputz.
Denn it wollt sich hück jefalle
su off kom it nit mie russ
It wor fröh jenoch jekumme
hatt ne joode Platz erwisch.
Zwesche all der schöne Männer,
och dä Jogi soß am Desch
Einmol noch ens Jlöck zo hann
It hatt e Aug op in jeworfe
un dat fehl dem Jogi op,
verleeje dät hä laache,
maat en neue Fläsch schnell op
Un schon wor et do am danze,
allein un midden en d’r Bud.
Verjesse en d’r Musik,
met zovill Wing em Bloot
Einmol noch ens Jlöck zo hann
|
||||
4. |
ALDERMAAT
04:45
|
|||
Aldermaat Text/Musik: Wolfgang Anton
Et jingk op Fastelovend an un ich hatt övverhaup kein Lust jehatt
do reefen mich die Junge an un saate kumm met uns nom Aldermaat
un ich dann esu wie ich alt jingk die letzte Johr
met enner Pürck op dem Kopp met ruude Hoor
et Kostümche vun de Tant un die Stöckelschöscher an
als Superweib em Fastelleer om Aldermaad.
E besje duure dät et och bes mer de Frohsinn an et Hetzje kroch
op einmol woot et mir janz wärm, ich held ne Superschuss en mingem Ärm
un mer zwei mer hatten uns och richtich lev
wie et dat nur zwesche Mädche manschmol jiv
doch dann föhlt ich met dem Knee, wo mer dat nur föhle kann
dä Superschuss en mingem Ärm dat wor ne Mann.
Un dann sin mer all de Stroß eraff jejange
jeder met nem schöne Mädche an de Hand
un dann hammer all dat ahle Leed jesunge
vun dä Spetzebötzjer met dr lila Söckche dran
un dann sin mer all de Stroß eraff jejange
un die Lück die hann jelaach un Freud jehatt
un se hann met uns dat schöne Leed jesunge
vun dä zwei Schüss em Fasteleer om Aldermaat
En dem Gewöhl vum Fasteleer do trofen mer zwei Mötze vun de Schmier
do saat die Schwester nevven mer, pass op, die zwei, die nemme mer uns jetz vür
em rubbididupp, do hatten mer die Kähls jeschnapp
un am Rehme in en stille Eck verpack
doch dann föhlt ich met dem Knee, wo mer dat nur föhle kann
dä Polizist dä wor em Levve keine Mann.
Un dann sin mer all........
Dat Naturell vun all dä Kähls es jo bekannt
wenn dr Zippel steht is nix mie met Verstand
jedenfalls leef he die Schau, keiner wuss nit mie jenau
wer es he Kähl un wer es he die Frau.
Un dann sin mer all de Stroß eraff jejange.......
Un dann sin mer all de Stroß eraff jejange
Wenn ihr dat nit jlövt, kutt doch bei uns vorbei
Mer sin jesund, mer sin dem Herrjott jot jelunge
Die Superschüss em Festeleer om Aldermaat
Die staatze Kähls em Festeleer om Aldermaat
Vier kleine Sünderlein em Wieverfasteleer am Rhein
|
||||
5. |
MER SIN STARK
04:01
|
|||
Mer sin stark...Text und Musik: Wolfgang Anton
Wer weiß ald, wo et hin jeiht,
dat erop un erav
krije mer och noch jeschaff,
koss et och vill Kraff.
Mer sin stark, verletzbar, ävver stark
un nit allein op unserem Wäch.
Mer sin stark, unjebroche stark,
wat jestern wor es hück
un em Unjlöck steck och Jlöck
mer sin stark.
Un wenn do och die Wod spöös
deef en dir drin, mäht Hass jetz keine Sinn,
nä, et mäht nur bling.
Mer sin stark.....
Un mer wesse doch Bescheid,
wem zo verdanke es dat Leid,
un wie et wigger jeiht.
Danke mer doch all dä Lück,
die uns jewarnt zor rächte Zick
un all dä Engel, die et jitt.
Mer sin stark, unjebroche stark
un nit allein op unserem Wäch.
Meer sin stark, unjebroche stark,
un mer messe uns an Lück,
die Courage han un sich nit
met leere Wööd han vürjebraht.
Mer sin stark….
|
||||
6. |
||||
7. |
OP D'R TRUMM JEKLOPP
03:50
|
|||
OP DE TRUMM JEKLOPP
Övver et Johr sin mer brav wie e Lamm. Över et Johr, stelle mer he nix aan. Ävver dann, ävver dann kütt för ons all die Zick. En der jede von ons Jecke anders tick. Un dann weh dop de Trumm jeklopp, mer trekken all de Stross erop. Jede wie er will noh singer eijenen Fazung. Dann stimmen mer die Leeder aan, die jede vun ons singe kann und ä ahle Mann kritt och sie Bier noh all dä Johr
Et janze Johr sin mer all schwer en brass. Mer puckele un rödele nor för en schmale Kass der. Och wenn et ons of hadd vör kütt met der Malocherei. Sin mer zor fünfte Johreszick all widder met dobei. UN DANN WEHD……..
Noh sechs jecke Dach sin mer all widder klamm, et Tröötche en d’r Soot un et Stimmche klingk jett jramm. Jo, un dann, jo un dann kütt die haade Zick, wo mer besser nit dran denk bevör de Kneip zo mäht. UN DANN WEHD…..
|
||||
8. |
ET IS SOMMER BONUS TRACK
02:58
|
|||
Sommer
Pack e paar saache ein
Mer fahre mem Rädche an dr See
De Sonn es fründlich hück
Un määht uns zwei widder schön
Sommer,et es Sommer
Do hann mer lang schon drop jewaat
Sommer, et es Sommer
Nä, wat jeiht et uns doch jot
Allein de Vüjelcher luuren uns he zo
Do es enne Jrashalm Frei
jewachsen für uns zwei
blos schnell de Deck do drop
söns nimmp uns dä noch eine fott
Sommer,et es Sommer
Do hann mer lang schon drop jewaat
Sommer, et es Sommer
Nä, wat jeiht et uns doch jot
Allein de Vüjelcher luuren uns he zo
Un wolle mer e Wööschje broode
Sollte mer dä Türk jrad frore
Weil hä dovun mie versteit
Wenn et öm et jrille jeiht em Sommer
Sommer,et es Sommer
|
||||
9. |
Streaming and Download help
If you like de familich, you may also like:
Bandcamp Daily your guide to the world of Bandcamp