1. |
ICH HANN DOOSCH
03:42
|
|||
Wie spät iss et,
wa esch vier Uhr fröh
Ich hann ziddrije Häng,
dr Kopp dät mer wieh
Nix mie drin in dr Fläsch,
kapott un am Äng
Isch hann doosch
Wer ess die Ahl do
in mingem Bett
Die schnarsch wie ne Bär
un rüsch wie ne Fesch
Janz jenau in dr Kösch,
do muß noch jett sin
Do in dr Whisky-Fläsch
Wor noch e Dröppelche drin
Isch hann doosch
Ich hann doosch
Refrain:
Wo kriej ich jetz jett her,
wo kriej ich jett ze suffe her
Wo kriej ich jetz jett her,
wo kriej ich jett ze suffe her
Ich hann doosch
Dr Iißschrank ess leer,
doch ich weiß et jenau
Em Schrank in dr Eck
wor noch en Fläsch Schabau
Wiesu ess die leer
die wor jestern noch voll
Ich hann doosch
Ich hann doosch
En Tax jenau, rof ich jetz aan,
die fahren bestemmp
für mich en Tankstell aan
e Sixpäck jebraat,
für nur e paar Mark
Ich hann Doosch
Ich hann doosch
Wo kriej ich jetz jett her,
wo kriej ich jett ze suffe her
Wo kriej ich jetz jett her,
wo kriej ich jett ze suffe her
Ich hann doosch
Ich hann doosch
Ich hann doosch
E Ahl waach op
do häss doch noch Jeld
Ich hann mir met dr Tax
jet ze suffe bestellt
Rück russ met dr Flüh
Söns dunn ich dir wieh
Ich hann Doosch
Ich hann doosch
Ich hann doosch
|
||||
2. |
FALSCH VERSTANDE
04:09
|
|||
Falsch verstande Text/Musik :Wolfgang Anton
Et koote Klöösje wor verknallt un hat et sich schön ussjemohlt
Wie hä löösch mem schöne Liss, allein do op dä jröne Wiss
Doch jeden Owend jingk hä Heim, sing Wirklichkeit allein im Ärm
Un maht et sich in singem Bett, ens widder met sich selws janz nett
Et kom dat jroße Schötzefess, wo me immer stief noh ess
Dann soh hä do dä Bagger stonn, un dach, eh Jong su muß et jon
Mem Bagger fuhr hä in die Stroß, wo dat Lisbet hat si Huss
Met dr Schuffel aanjeklopp, do wor dat janze Huss kapott
Dat hat hä wohl falsch verstande
Dat hat hä su nit jewoss
Dat, wenn me he un do en Sach ens vill ze wöötlich nimmp
Dann Jeiht dat he un do och ens in dr Botz
Zo esch wor hä sich am Schaame, äwer dann hät hä sich jesaat
Wat soll dä janze Driss, et ändert sich su nix
Un ne Fähler hätt doch jede schon jemaat
Et Lisbet daach, wat kütt dann jetz
Jriff dut verschreck sich aan et Hätz
Soch dä knaatsch verdötschten Jong, do huh op singem Bagger stonn
Dä reef eraff, ich fleejen op dich, et Lisbet saat nä besser nich
Et maaht noch jrad nen kleinen satz, do floch dä Klööss schon in dr Matsch, .... Platsch
Refräng :
Met einem Mol do stund dä Klööss, widder fess op singer Fööss
Maat sich dorch dä janze Matsch, op dr Wäsch zo singem Schatz
Dat verstund de Welt nit mie un reef im zo „ Do kanns mich ens , eh !“
Wat dann kom dat saach nit äwer eins dat ess jewess.
refräng
Dat hat hä wohl falsch verstande
Dat hat hä su nit jewoss
Dat, wenn me he un do en Sach ens vill ze wöötlich nimmp
Dann Jeiht dat he un do och ens in dr Botz
Zo esch wor hä sich am Schaame, äwer dann hät hä sich jesaat
Wat soll dä janze Driss, et ändert sich su nix
Un ne Fähler hätt doch jede schon jemaat
jo ne Fähler hätt doch jede schon jemaat
jo ne Fähler hätt doch jede schon jemaat
|
||||
3. |
MELATEN
03:26
|
|||
Melaten
Jo, do häss et jeschaff
Ich kumm nit vun dir loß
Kumm he her jeden Daach
Stonn vür dir he am Jrav
Rück de Blömche zeräsch
Kratz de Ääd widder weich
Rupp et Unkraut erus
Halt de Stein jot en Schuss
Maach e Lämpche dir aan
Domet et dich noch jett wärm halde kann
Doch wenn ich övverläsch
Wie et met uns jewäss
Jo, do fällt mir nur en
Miestens wor et doch schlimm
Do häss mich immer beloore
Met de Kähls nur bedroore
Un komm ich ovends noh Huss
Soh et fürchterlich us
Hann ich dann jett jesaat
Häss do mich ussjelaach
Un wos widder fott
Äwer eins saach ich dir
Do em Jrav newen dir
Do litt och einer drin
Dä dinge Broder künnt sin
Leed ens Frau he zeröck
Un die treffen ich hück
Un dann fahren mir zwei
Schön eruss aan dr See
Un dann frog ich se jlich
Su wie domols och dich
Wills do met mir hück Faltboot fahre
Wills do die Paddele hück für mich drare
Ich dät dir jän e Leedche singe
Un dir em Mondleech et danze neu beibringe
Ich dät sujar für dich bezahle
Un dann met dir em Falltboot fahre
Un dann villeich einz janz am Äng
Dir verzälle wer ich wirklich ben
Und villeich einz janz am Äng
Dir verzälle wer ich wirklich ben
|
||||
4. |
||||
Morje soll et he widder rääne Text und Musik : Wolfgang Anton
Et Anita zupp sich noch jrad et Blüsje parat
trick et Röckche zeräsch, schmiert sich jett Salv op dr Plack
et jeiht op 12 Uhr aan , et ess Vollmond hück Naach
en dr Kneip ess nix loß, doch et Anita hätt Spaß.
En dr Stroß nevvenaan fällt en Dür en et Schloß
met verhühltem Jeseech steht et Liss op dr Stroß
de Lippe verschmiert, aan jedem Finger ne Ring
schleich et sich hösch en dr Eckkneip erin.
Su steht et do en dr Dür en singem ruude Kleid
et Anita bestellt tireck zwei Koote un dä Weet weiß bescheid
un hä säät:
Jo schon morje soll et he widder rääne,
hann sei jesaat un dat es schad,
et künnt doch jän noch jett bliewe wie hück.
Jo schon morje ….
Wie et dem Liss dann jett besser jeiht
säät et zom Weet, kumm spill me noch ens dat Leed
un hä lääd im die ahl Connie Francis – Plaat op
et Anita waggelt do zo met d‘r Fott.
Nohm eetste Refräng verdrück et Liss sich nohm Klo
toupiert de Hohr sich jett op, trick de Leppe sich noh
kütt lächelnd zeröck, bestellt sich noch ens dat Leed
lehnt sich su an dr Thek, dat dä Weet alles süht.
Sing Auge deef drenn em Jellee, verjiss hä all sie Leid
un et ess em op einmol och ejal, dat hä nit op Fraue steiht
un hä säät:
Refräng
Un dann morjens om vier, kütt de Schäng durch de Dür
met enner Jrappafahn un singem ärme Dier
süht et Lisbett mem Weet em Klammerblues
do fallen em bahl sing decke Ouren eruss.
Dä Weet weiß alt widder jenau wat jetz kütt
wie hä dä huhruude Kopp op sich aanfleeje süht
knallt bletzschnell dem Schäng die Fuuß op de Kopp
de Schäng weed janz blaß, doch et Liss fängk en op.
Et Anita säät:“Liss,et ess besser,do schlööfs dis Naach bei mir.
Dä Weet säät : Dä Schäng kritt mi Sofa, kutt ich jew üch noch e Bier us
|
||||
5. |
ET EETSTE MOL
04:54
|
|||
Et eetste Mol Musik/Text : Wolfgang Anton
40 Johr hatt ich dann doch jewaat
do fing für mich e janz neu Levve aan
do han ich mie eests Rangdewuh jehatt em Autokino vun Porz
Doch schon nom eetste Kuss kom de Wohrheit russ
Do feel mir für Schreck mi eenzich Barthoor uss
Do häss et tireck jewoß, dad et für dir noch nie e Mädche für mich jov.
En mingem ahle Käfer woot et furchbar eng
Wie ich dann do met dir op dr Rückbank hing
floch die Mück erinn un satz sich einfach hin
Un jöck mir dr Stachel in de bläcke Fott erinn
Oh mama hann ich jesaat
Et eetste Mol verjiss me doch nie
Nä mer verjiss et wirklich nie
Dann kom de Sach met dingem Wonder – Bra
Aan dem ich op die schnell ens jrad dr Doktor maat
Un minge rääschte Fooss, dä hing em Lenker drin
Dr Schaltknüppel hing mir dauernd zweschen dr Been
Un em Finster hing dat ahle Heizjerät
Uss dem et met dr Zick dann nur noch qualme dät
Un wie de Film aanfing laad ich ne Frühstart hin
Dä mer, wie me so säät in dr Botz erinn jingk
Ich weiß noch wie aan ze bletze fing
Un mir em deckste rään bei mir dr Sonn opjing
Wie ich dich laache soch et aan ze krache fing
Dann broch die janze Rückbank och noch unger uns en
Oh Mama hann ich jesaat
Et eetste mol verjiss me doch nie .....
Un bei der Jelejenheit soch ich
dat ringeröm öm dat Auto en Zijeunerkapell Stonn dät,
un die däten wunderschön„ Oh Happy Day“spille
un do leeß ich ming Wunderkätz brenne
Un --- war ich jut, hann ich jesaat Un do häss jelaach
Un et däten mich zwei dunkle Auge aanluure, äwer dat wor dä
Pakistaniche Rosenverkäufer
Un dann häss do uns zwei Zijarrette aanjemaat
Un do ess et mir esu schlääch jewoode, do hann ich voll
Un sujett kann me nit verjesse künne
Ach wör ich doch nur bei minger Iesebahn,beim Lejo, un bei minger Mama jebliwwe.
die hätt jo schon immer jesaat, ich soll de Finger vunn de Jong Dinger looße
Die wöre nur jeff für mich. Die däten mich nur versaue wolle
mit dem janze, widerlije, ba, Sex, Widderlije,ba, Sex
|
||||
6. |
SONNDACH
03:32
|
|||
Sonndach
Et Sonndachs Morjens schon om halver 10
Deck ich d’r Desch met Blömcher su schön
Ich ess ming Brütcher met Schinke un Ei
Un drink e lekker Tässche Kaffe dobei
Sonndaach, ne lange Sonndach om Balkon,
de Sonn om Buch un nix zo dunn, nä,
fuul römhänge om Balkon,
jo, et es Sonndach, en Unjerbotz om Lejestohl,
e besche schwaade met dem Paul vun nevvenahn
de janze Welt leed mich en rauh
De Sonn steiht huh, de Fraue stonn en d’r kösch,
et rüsch noh Broode un et flimmert de Kess,
de Männer schleiche vum Fröhschobbe heim
un minget wäje könnt et janze Levve su sin.
Su wie ne
Sonndaach, ne lange Sonndach om Balkon,
de Sonn om Buch un nix zo dunn, nä,
fuul römhänge om Balkon,
jo, et es Sonndach, en Unjerbotz om Lejestohl,
e besche schwaade met dem Paul vun nevvenahn
de janze Welt leed mich en rauh
Sonndach, oh minget wäje, minget wäje
Künnt et Levve, et janze Levve su sin wie ne Sonndach
wie ne Sonndach, su wie ne Sonndach om Balkon
|
||||
7. |
JESUS
05:08
|
|||
Wat me esu drömp
Jesus hätt ein Wohnmobil un setz om Stöhlche vör de Dür, vör em steiht en Kiss met Bier, die hä sich jrad jezaubert hätt. Em volle Kopp verzällt dä Jeck, dat hä hück jett zo fiere hätt, weil hä letz Nach et Wienands Kätt, zwesche hatt och dat wor net…
All sin sei he Raderdoll.
Op dem kleine Zeltplatz in Poll.
Es dat nit blöd, wat mer esu trömp. Wat für ne Stuss kütt uss einem erus. Jrad noh ner Nach, die och söns jarnix braht, rötschst du verdötsch en su ne neue Dach.
Et Birjitt säht alt lang nix mih un litt fürm Willi op de Knee, rude Funke jon als Tunte stoppe Föttche em Jebösch. Sujar dä ahle Kardenal schwört et wör alt Karneval, mer hürt en wie hä janz anal ein Leed am tröte es. - All sin sei he Raderdoll -
Es dat nit blöd
Ne ahle klerikale Kopp hätt sich vom Jupp dä kleine Stropp unger singe Rock jestopp un lötsch dobei e Ies…. Un hingen en dr Eck am Bösch, setz ich mit mingem Papp am Desch, der mer jrad verzälle deit, wie jod et im em Himmel jeiht.
Jesus rooch sich jrad en Tüüt un wiehert plötzlich wie e Pääd, kutt met , ich zeig üsch hück dä Trick wie mer övert Wasser jeiht. Der janze Mopp versüff em Rhing un Jesus rief sich stolz de Häng. Wie jod denk hä dat keiner weiss, dat bürgerlich ich Lömmel heiß.
All sin sei he Raderdoll -
op dem kleine Zeltplatz in Poll.
Es dat nit blöd, wat mer esu trömp.
|
||||
8. |
FIESS
05:01
|
|||
Scheisse bringk Jlöck TEXT: Böhmer/Anton MUSIK : W.Anton
Mer fuhren dis daach ens nom Ihrefeld hin
Do trodden mir fiess en enne Hungksküttel rin
Hann uns dann do op e Müürche jesatz
Un dä schmierijen Driss von dr Schohen affjekratz
Do ess uns fass ald dr Kraare jeplatz
Wie do hovv singe Stetz esu en höörije Ratt
Uns ess et ejal wenn Hüng de Minsche biesse
Nur sei sollen he nit op et Trottewar driesse
Em Buch noch jett flau doch de Täsch voll met Sching
Mer op dr Eck in die Sparkass erin
Do sochen mir dann die Zehn Meter lang Schlang
Un dachten verdammp dat duurt bestimmp lang
En koote zick späder do wor et su wigg
Do maat sich ne duff vunn de Schohen erop brigg
Un em nullkommanix hatt die Schlang sich verdrück
Do kräht der Kassierer uns jeld für die meet
Uns ess et ejal wenn Hüng de Minsche biesse
Nur sei sollen he nit op et Trottewar driesse
Mer wollten jrad jon driehten uns noch ens öm
Wat moohten mer do met ons Auge aan sin
Do laat dä Kassierer uns Jeld op dr Thek
Un jow ons janz Jrosche nem andere met
Dä durch de Dür un woot nit mie jesinn
Do stunden mir do wie zwei Jecke em Rään
Uns ess et ejal wenn Hüng de Minsche he Biesse
Nur dann sollten sei och en die Sparkass erin kacke
Noch immer dä ress vun dem Driess aan dr Fööss
Dachten mir zwei jo Rache iss sööss
In dr Eck loch enne Teppich un mer nix wie hin
Un putzten uns höösch de Stinkstivvel rein
Dann hammer uns schön en et Füüsje jelaach
Denn vun ennem Teppich jeiht Hungksdriss jewöhnlich nit aff
Un nevvenbei noch e Fützje jelooße
Do in dr Eck wo die Schlippsdräjer soßen
Dann hann mir uns flück us dem Stüb jemaat
dachten jetz schnell nix wie drop op et rad
nur blöder wie mir kann he keiner Sin
mir trodden ald widder in enne Haufe erin
dodrop hann mir zwei dann en Aap jekrääje
un däten uns flück op die Muur zo bewääje
uns es et ejal wenn Hüng de Minsche he biesse
nur sei solle he nit op et Trottevoir driesse
Mer luurten noh bowen un elangs dr ling
Do stunden am eng e paar Frauebein röm
Mer zo dem Frauminsch janz fründlich un fing
Mer wößten jenau öm wat et he jing
Et hätt sich dä Möp jo nur aanjeschaff
Domet dä für it op dr Bürjerstein kack
Do däts et am lewste jo selws praktiziere
Nur fählt em dr Mot doröm kööfs et sich Diere
Owei daachten mer nä dat wor jetz nit fair
Do kom dem noch ne Schuss met nem Daggel doher
Zwei Stetz jingken huh un wä hätt et jedaach
Sick dem hann mir sechs vill Spazierjäng jemaat
Un wat ess dä Sinn vun dä langen Ballad
Dä Hungksdriss hätt uns zwei nit jeschaad
su kumme mir och aan dat Eng vun dem Stöck
Un saaren üch All Scheiße bringk Jlöck
|
||||
9. |
ICH HÄTT ESU JÄN MÄDCHE
03:44
|
|||
Ich hätt esu jän e Mädche Text/Musik : Wolfgang Anton
Kum ich et owends vun dr Arbeet heim
Jön ich mir jän e lekker Jläsje Wing
Dann is et och schön für mich allein ze sin
Nur wenn ich ierlich ben, dad iss och mi Problem
Denn ich hätt esu jän e Mädche
Wie et och die andre Jonge hann
Met dem ich owends schloofe
Un et morjens widder opwaache kann
E Mädche wat schön wärm is
Schön weich met vill Jeföhl
Met dem ich aff un zo ens richtich laache kann
Nur ich jlöw ich will alt widder ze vill
Einz wie dat wat d‘r Klööss hät
Dat künt mir schon jefalle
Un dem Britta vun dem Pitter
Dät ich och nit vun dr Bettkant springe
Doch die sin all verjowe
Jo wat soll ich üsch verzälle
Un am Lewste hätt ich och eins, un dat dät mich jetz verwönne
Jo, ich hätt esu jän e Mädche. Dat ess alles wat ich will
Un sollt he irjendwo eins sin, wat sich aanjesproche föhlt
Jo dann meld dich janz einfach bei mir
Mädche, meld dich ens einfach bei mir
Mädche, meld dich ens einfach bei mir
Nur eins möhts do wesse, Ich ben ald lang allein
Un doröm möhts do och e besje Babibbeldibibbel...........
Äwer janz natürlich sin!
Jo ich hätt esu jän e Mädche .....
E Mädche wat schön wärm is, schön weich met vill Jeföhl
Met dem ich aff un zo ens richtich laache kann
Nur ich jlöw ich will widder ze vill
Nur ich jlöw ich will widder ze vill
Nur ich jlöw ich will widder ze vill
Mädche
|
Streaming and Download help
If you like ALLES BLIEV ANDERS, you may also like:
Bandcamp Daily your guide to the world of Bandcamp